فارسة احلامي

ابداء كلامي باسم هـادي ورحمـان
اللي جميع الخلق تطلـب وترجـاه
ثم الصلاة على النبي خيـر انسـان
واجمل هديه ساقهـا الـرب مهـداه
من بعدهـا ببـداء كلامـي بقيفـان
واللـي يهمـه امرنـا ليـت يقـراه
رسالتي ماهـي بشكـراً وعرفـان
والا قصيـده قلتهـا وقـت ملهـاه
رسالتـي فيهـا تواصيـف واوزان
للـي هـواه القلـب ياليـت يلقـاه
ابغي بنيـه تشعـل القلـب شعـلان
وابغي بنيه تعطـي الحـب معنـاه
ابيها مثـل البـدر بالليـل لا بـان
انسى معاها النور في ليـل ظلمـاه
والعمر في العقدين من دون نقصـان
ماهـي خفيفـة دم والثقـل مبغـاه
ابي بروز الرمش والطرف نعسـان
متزينناً بالكحل في صبـح وامسـاه
وابي خدوداً تشبه ال(طفل)خجـلان
والساق لامن قام ما حـس ممشـاه
والورك ودي دايـم الـدوم شبعـان
والخصر جايع ذابه الفقـر واهـراه
والخشم كنه سيف في يـد فرسـان
واحب طول الشعر بالحيل واهـواه
ابيها تشبـه للبـدو وقـت ضيفـان
وتاخذ طباع الحضر والذوق محـلاه
وابغي النسب اصلي ولاهوب ضعفان
وابغي النسب اصلي ومعروف بالجاه
متربيه عالعـز! والطهـر عنـوان
مالقى لها بين البشـر نـد واشبـاه
تسمع كلامي مـا تفكـر بعصيـان
محافظه عالدين من صوم واصـلاه
هذي وصوفي قلتهـا دون نقصـان
والمهـر بايـدي واخـر الملـك لله