مقالب بالدرسين

السلام عليكم حبيت اطرح موضوع جديد وهو المقالب والمواقف الي سويتوها بالمدرسين بقصد او بدون قصد واريد سوالفكم بسرعة حبابين واني راح ابدي اول واحد بسالفتي:
فد يوم اجتني دعوة اني وصاحبي للحضور الى ندوة للوقوف على الوسائل من رفع المستوى العلمي للطلاب ورحنا لهناك ولكينا مدير مدرستنا جاي بالاضافة الى مدراء مدارس اخرى بالحلة وعدد من المشرفين و مدير تربية بابل وصايرة هوسة وخبصة وبالك عنه اي المهم فجانو جايين من مدرستنه بعد طلاب ثنين بصف الاول والثاني متوسط وبدت الندوة والنقاش والحوار الساسي مالتهم اللي ينعس الواحد منه فجابولنه بطالة مالت ببسي كل واحد يفتحوله البطل مالته وينطوهيا فجنه كاعدين اني وصاحبي والطلاب الثنين بالسرة الثالث من القاعة ومديرنا كاعد ويا المشفين قبلنا بسره واحد فواحد من هذولة الطلاب الزغار رج بطل الببسي كبل ما يشربه كل قوته و وخر ايده عن البطل وطار الببسي من البطل وكبل بصلعة مديرنه ( كبل بسنتر الصلعة) المدير اخترع اني وصاحبي فقدنه بعد ما نكدر نسكت وطكيناها بضحكة مو طبيعية بنص القاعة اللي جان يمكن بيها100 شخص خصم الحجي صارت فضيحة مو طبيعية العالم تباوع علينه واحنه ما ساكتين ومديرنه خطيه لزم الجفيه (خاولي زغير) وكعد يمسح صلعته .
شلون موقف يضحك مو ؟؟ ههههههههه
آسف طولت عليكم
اريدكم تكلولي مواقفكم المضحكة مع المدرسن بالصف او خارج الصف

هههههههههههههههههههههه

الله عليك يا فادي

بس إذا بدي أحكيلك شو المواقف والله ما بلحق

وما بخلص من هون لبكرة

بس بدي أذكرك بقصتي مع أستاذ شعبان وأنا بالاول ثانوي